ريفيو : الفاشوناري لرسم الازياء 3> : Review

السلام عليكم
كيفكم شخباركم
وحشتني المدونة مررررة
المهم راح اتكلم بهذي التدوينه عن شيء ممكن يهم كثير من المصممين و الفاشن اليستريتورز
و هو عن " الفاشوناري ". 

ايش يعني فاشوناري Fashionary ؟

اسم fashionary خذوه من =

"Fashion + Dictionary + Diary"

يعني = ازياء + قاموس + مذكرة 

و هو فعلا يجمع بين الاشياء الثلاثة هذي .

و فيه عندهم بالموقع اشكال كثييير و الوان كثير و فيه للازياء الرجالية و النسائية و .....

لكن انا اخترت هذا قوالب نسائية و باللون الاصفر 

حسيته غريب و لونه فااقع .. يعني تغيير .

كيف نستخدم الفاشوناري ؟

الدفتر 164 صفحة

130 صفحة فيها قوالب الاجسام 

و 34 صفحة فيها قاموس الازياء .

قوالب الجسم 

مرسومة على شكل نقاط حمراء صغييييرة بحيث ترسمون فوقها بكل سهولة 

و يقولون هذي النقط ما تبان اذا سويتو لرسمتكم مسح ضوئي .. بس م جربتها صراحة

 و كل القوالب امامية و هذا الشيء اللي ما عجبني تمنيت فيه تنويع بالوقفات

القوالب مرة حلوة اذا تبين توفرين وقت بالرسم 

او ما كنتي تعرفين ترسمين الجسم 

 اوللرسم السريع مثلا اذا مجرد تطلعون افكار

لما تجيك فكرة ترسمينها سريييع بدون م ترسمين جسم و ....

و فيه الشريط الاحمر داخل الدفتر مثل الفاصل تحطونه بالصفحة اللي تبونها

شوفو هذا الفيديو كيف رسم بالفاشوناري :

هل تقدرون تستخدمون الالوان بالفاشوناري ؟

جربت الون بالفاشوناري بالوان الماركر 

حسيت انه ما يتحمل الالوان يعني مجرد طبقة ثانية

 طلع اللون من الورقة من ورا

ف استغرب صراحة اشوف بعض الصور ملونين حتى بالوان مائية !!!

برايي مو مناسبة للالوان نوعية الورق ما تتحمل

ممكن بس قلم اسود و رصاص و الوان خشبية فقططط

غير كذا لونو بكراسة رسم افضل .

قاموس الازياء 

بنهاية الدفتر تلاقون قاموس للازياء مرررة حلووو

فيه مصطلحات كثييييييير بشكل واااااسع جدا

مثل :

- اسماء مصممين الازياء العالميين و الماركات حول العالم

- اسماء اشكال الملابس و القصات و النظارات و القبعات و...

- علامات الكي و الغسيل و الملابس 

و كثيير اشياء ثانية .

خلف الفاشوناري بالاخير مثل الجيب 

مرررة حلو تحطون فيه اللي تبون

(الصورة من الموقع)

و على فكرة الدفتر مرة حلو للشنطة يعني تقدرون تاخذونه معكم 

حجمة مو كبير 

من وين شريته ؟؟

لانه للاسف مو متوفر كثير بالسعودية

طلبته من مكتبة كوريو بالرياض

و وصلوها لي لابها 

حساب كوريو انستقرام @curioartsupplies

حساب كوريو التوصيل @curioartdelivery

لكن تقدرون تطلبونه من الموقع الاساسي 

هنا

و قالو لي انهم يوصلون حول العالم 

اتمنى تكون التدوينه عجبتكم 

و لو تبون تدوينه نفس هذا النوع قولو لي

مع السلامة .