قسم From My Heart بالمدونة راح ارجع افعّله إن شاء الله تعجبكم المواضيع و الكلام لانهم فعلاً من قلبي ..راح تكون سلسلة مواضيع طويلة، لو حابين اكتب عن شيء معين تسعدني اقتراحاتكم هنا او بحساباتي بالسوشل ميديا.
إن شاء الله تعجبكم المواضيع و الكلام لانهم فعلاً من قلبي ..راح تكون سلسلة مواضيع طويلة، لو حابين اكتب عن شيء معين تسعدني اقتراحاتكم هنا او بحساباتي بالسوشل ميديا.
إن شاء الله تعجبكم المواضيع و الكلام لانهم فعلاً من قلبي ..راح تكون سلسلة مواضيع طويلة، لو حابين اكتب عن شيء معين تسعدني اقتراحاتكم هنا او بحساباتي بالسوشل ميديا.
كيف تبدئين بالتركيز على نفسِك؟
(كيف تعرفين نفسك، و ماتريدينه في هذه الحياة ؟)
في هذة الحياة احياناً تجيك مشاعر من الضياع، انك بنص هالدنيا تايهة أو ممكن تصير لك ظروف و اشياء تخليك تغوصين بالمشاغل و المشاكل و تبدئين بفقدان توازن نفسِك و تركيزك بالأشياء اللي تبينها..
ممكن توصلين إلي نقطة تقولين انا مين؟ انا فين؟ كيف صرت هنا؟
بدون وعي منك الأيام تمشي و تركض و تبحرين إلى ما لا تشتهي نفسِك.
الايام محسوبة عليك، كل يوم يمشي ينحسب من عمرك
ايش المقصود لما اقول "تركزين على نفسك"؟
عشان تركزين على نفسك تحتاجين تكونين عارفة و مدركة انتي وش قاعدة تسوين بحياتك و كيف تواجهين كل شيء ممكن يعترض طريقك، تعرفين نفسِك و شَخصك و روحك و دااخل أعماقك ..
تعرفين اهدافك و احلامك و كيف تبين تقضين عمرك اللي ربك اعطاك إياه
تصيرين اقوى لما تفهمين نفسِك ، تكونين متصالحه مع نفسِك أكثر، تكونين سعيدة و واثقة بنفسِك أكثر..
هِنا تحتاجين ترتبين حياتك، وتعرفين انتي مين و وين و إلي اين تريدين؟
انا إنسانة مؤمنة بأن كل إنسان في هذي الدنيا ما وُجِد عبث، كل شخص عنده أشياء تميزة عن غيرة، عنده مواهب و نقاط قوة يقدر يستغلها لصالحه، فلازم تكتشفين نفسك و تكتشفين مواهبك و تتعرفين على نفسك اكثر
نقاط القوة و المواهب اللي عندك هي سر تميزك و هي الأشياء اللي المفروض تسوينها بحياتك و تستمرين عليها
هي الأشياء اللي بتاخذك للحياة اللي تبينها
كل ما تعرفتِ على نفسِك أكثر كل ما كنتي فريدة اكثر و بنيتي ثقة أكبر بنفسِك و قدرتي تتألقين بهذا العالم الكبير
كوني نفسِك ، فقط كوني أنتِ ، كوني نفسك الحقيقية
بعض الأشخاص بهذا العالم محظوظين كفاية بانهم يكونون اوريدي عارفين نفسهم
و عارفين مواهبهم و هم بايش شغوفين و ايش نقاط القوة و الضعف عندهم و عندهم القدرة تكون خُطاهم دائماً ثابتة و متوازنة ..
و فيه البعض لا، يكونون في حالة تذبذب و تردد و شوي ضايعين و مو قادرين يركزون بانفسهم
آسألي نفسِك:
بأي وقت اكون فيه راضية؟ مرتاحة؟ واثقة؟
متى اكون في افضل حالاتي ؟
ايش الأشياء اللي تلاحظين انها تجذبك !
ايش الأشياء اللي تحبينها، ايش المجالات او التخصصات اللي تشدّك؟
اجلسي مع نفسِك و خذي راحتك
دوني افكارك و مشاعرك..
التدوين و الكتابة مفيدة جداً جداً جداً
ممكن ايضاً تسألين الناس اللي قريبين منك، الأشخاص اللي حولك
اهلك،اخواتك، صديقاتك، اقاربك
ايش الشيء اللي تشوفوني مبدعة فيه او كويسه فيه او ايش الشيء المميز و الفريد فيني ؟
احياناً الناس ممكن تشوف فيك شيء انتي ماتقدرين تشوفينه بنفسِك
دَوني:
-ماهي نظرتي للحياة؟ نقطة ثانية مهم تعرفينها
-ايش هي الحياة المثالية بالنسبة لي؟
سؤال آخر مهم: ما هو النجاح بالنسبة لي ؟
عرفي النجاح بتعريفك الخاص، هنا مهم مهم انك ماتلتفتين المجتمع ايش يقول
الناس اللي حولك وش تقول و حتى اقرب الناس لك ايش يقولون
حياتك أنتِ فحددي سعادتِك و نجاحك لنفسِك
الموضوع راح ياخذ منك وقت، ماراح يصير كل شيء بغمضة عين او بعصا سحرية
راح تكون مرحلة طويلة تكتشفين فيها نفسك، حبة حبة و بإذن الله راح تدخلين مرحلة تكونين فيها عارفة نفسك و في حالة حُب جميلة مع ذاتِك
( استخدمي اللي عندِك لتقديم شيء لهذا العالم تستمتعين فيه و يعطيك تقدير عالي لذاتك )
دائماً ذكري نفسك انتي مين و ايش هدفك في هذي الحياة،و ايش البصمة اللي تبين تتركينها
ذكري نفسِك دائماً انك فريدة، متفردة، مميزة و لك قيمة عالية في هذي الدنيا
💗
Posts
0 comments:
Post a Comment