ريفيو: أقلام بيقما ساكورا لرسم الأزياء Review: SAKURA PIGMA Water-based pigment marker

السلام عليكم ، ريفيو لأقلام التحديد من ساكورا 

SAKURA PIGMA Water-based pigment marker

أقلام ساكورا، هي مجموعة أقلام للتحديد، عندهم مجموعات باعداد مختلفة، اللي عندي مكوّن من ٦ أقلام.

كل قلم له حجم مُختلف ، ميزة احبها مرة 

 ساكورا موفرين من هالأقلام الوان متعددة و كثيرة لكن ماجربتها صراحة

اللي اشتريه دائماً هو الأسود، لانه الاكثر استخداما و استفيد منه كثير

الأقلام مُرقّمة على احجامها ( 1-2-3-4-5-8)

من الأصغر حجم الى الأكبر

الاقلام لونها واضح و قوي ، و احجام رؤوسها مناسبة جدا للتحديد و التفاصيل الصغيرة

ميزة مهمة للاقلام و هي انها " ثااااابته "

ثابته بالمعنى الحرفي للكلمة، ما تبهت او تتغير مع الوقت و الأهم كوني استخدم الوان الماركر كثير

اني لما استخدمها و استخدم فوقها لون ماركر ما يخرب او يسيح او تقل دقته

بالعكس يظل مثل ماهو مهما استخدمت معه او فوقه من الوان

يعني اقدر اقول انه ضد الماء

المجموعة اشوفها متوفرة بكل مكان، المكتبات، او اونلاين و حتى بأمازون راح تلقونها

انا أخذتها من مكتبة جرير ب ٢٧ ريال،  اقدر اقول سعره معقول و بمتناول الجميع

جربت احدد باقلام مختلفة بس هذي كانت الافضل و الأكثر إحترافية

و سواء كنتو رسامين مبتدئين او محترفين اشوفه خيار جميل جدا تستخدمونه برسماتكم 💕