خطوة بخطوة تصميمي باكمام الفرو Step By Step : My fur sleeves dress

السلام عليكم
كيفكم شخباركم
البوست هالمرة رح يكون عن خطوات التلوين لهذا التصميم
مع الادوات اللي استخدمتها .. اتمنى يعجبكم . و لو عندكم سؤال اقتراح ملاحظة اكتبوها لي بليز
هذا انستقرامي : manaheldesign
و يلا نبدا :)

اول شيء رسمت المانيكان و الموديل  بقلم رصاص 

بعدين لونت البشرة بقلم برو ماركر 

اسمه Blush احب هذا اللون مرة 3>

من فوق حطيته باللون البرتقالي لون ماركر اسمه Bright orange

من تحت لونته بلون كحلي اسمه Indigo blue
حطيت طبقتين عشان طلع بالدرجة اللي ابيها
كذا الوان الماركر الحلو فيها تحطين طبقات و كل م تتغير الدرجة و تطلع الظلال بعد احلى 

بعدين اخذت لونين برتقالي و كحلي مطابقة للون الماركر
الوان خشبية مائية

و بدات احدد فيه الاطراف و ارتبها
و اظلل فيها بعض الاماكن مثل تحت الصدر

بعدها اخذت ماركر اسمه Coral
ولونت فيه مكان الفرو 

و رجعت بالماركر طبقة ثانية سويت خطوط صغيرة
يعطي ايحاء شكل الفرو..

اخذت ثلاث درجات
الوان خشبية مائية: بني فاتح ، بني غامق ، لون اسود

اخذت اللون البني الفاتح
و سويت خطوط مثل الصورة
مدري كيف اشرحها هههههه

و اخذت اللون البني الغامق
و نفس الشيء سويت خطوط يعطي ملمس و شكل الفرو

و باللون الاسود نفس الطريقة 

واخر شيء باللون الابيض الخشبي المائي
سويت خطوط بسيطة للاضاءة يعطي شكل احلا :)

بعدين اخذت لون بني فاتح وحددت و ظللت فيه البشرة
و دمجته ززيييين

اخذت لون باستيل بني فااتح و حددت فيه البشرة و الظل و اخذت مدعكة و دمجت فيه ززززين طبعا مدعكتي اللي تحت مثل م تشوفون مرحومة خخخخخخ بسبب كثر الاستخدام .. فرق واضح بينها و بين المدعكات الجديدة اللي فوق هههههههه

الحين نجي لقسم الششعر
امممممم الشعر صراحة م اتقنه
و قاعدة اتعلم فيه اكثر و اكثر بس بقول لكم طريقتي
اول شيء اخذت قلم اسود سائل
و حددت الشعر و رسمته خطوط فوق خطوط قلم الرصاص من قبل

بعدين اخذت الوان خشبية مائية ..
لون بني فاتح ، بني غامق ، لون اسود
اللون الفاتح للاماكن البارزة والبني الغامق
اماكن الكسرات او الثنيات
و الاسود بالثنيات و الاطراف و جذور الشعر
وازيد و ادمج زين لدرجة خطوط القلم الاسود
م صارت واضحة بس تعطي ايحاء حلو للشعر 

و اخر شيء بلون ابيض خشبي مكان الاضاءة

بعدها اخذت لون قواش ابيض
حطيت كمية قليلة و بعود اسنان
بدات امشي على خطوط قلم الرصاص اللي رسمتها من قبل
ممكن تستخدمون فرشاة تلوين صغيرة
بس احس عود الاسنان اسهل و دقيق اكثر 

خليت لون القواش يجف شوي
بعدين اخذت قلم بوية لونه ذهبي و حطيت منه شوي موجود بالصورة فوق اللون البني
و بفرشاة تلوين لونت لون القواش الابيض بالكامل بهاللون
" للاسف نسيت اصور لكم هالخطوة :( بس نزلت فيديو بالانستغرام و طالع فيه طريقة قلم البوية
ان شاء الله تكون واضحة لكم "
هذا رابط
http://instagram.com/p/vMImXayGsr/?modal=true

و قلم البوية لونه ذهبي من روكو .. موجود بجرير

وبعدين اخذت لون قواش بني و نقطت فيه التطريز الذهبي
عطاني شكل احلا 

و اخر شيء و هو احلا بارت ..
التوقيع هههههههههههه..

اتمنى تكون عجبتكم التدوينة و واضحة و استفدتو3>
اشوفكم بالتدوينة الجاية :)