اي شخص يبي يتعلم شيء يحتاج يتدرب عليه لحد ما يتقنه، بكل شيء بهذي الحياة مو بس الرسم ..
تعلم لغة جديدة مثلاً، مستحيل تتعلمين لغة جديدة بدون تدريب و ممارسة .. و مرة تغلطين و مرة لا
و ممكن حتى اخطاء فاادحة بالنطق او باستخدامك لبعض المفردات، بس عادي !!
نغلط و نجرب بس نتعلم لحد ما نتقن تماماً
الرسم نفس الشيء ماراح تتعلمينه بدون ممارسة و اخطاء، و بيكون تعلمها عملية طويييلة المدى
تحتاج تدريب و صبر و استمرارية ..
المهم، اذا تبين تبدئين تتدربين على الرسم فيه طرق متعددة تساعدك بالتدريب و امارسها انا باستمرار، اليوم راح اقول لكم عن طريقة وحدة مهمة و تساعدك جددداً لو كنتي مبتدئة، و حتى لو تطورتي راح تحتاجين تمارسينها من فترة لفترة..
الطريقة هي "التقليد" انتي كمبتدئة راح تدخلين المجال و فيه كثييييير غيرك سبقوك و دخلوه
طريقة جيدة جداً انك تقلدينهم، طبعاً كبداية فقط لا تمسكين خط ههههههه
تساعدك هذي الطريقة انك تمسكين الورقة و القلم و تبدئين تمرنين يدك، التقليد مو حرام ولا عيب بس طبعاً ما تنسبينه لنفسك، انسبي الشغل لاصحابه..
في انستقرامي لو تلاحظون كثيييير من رسماتي تكون تقليد لتصاميم مصممين معينين تقدرون تشوفونهم هناك @manaheldesign
ابدئي فيها حبة حبة .. قلدي رسومات بسيطة كبداية و تكون بس بالرصاص
بعدها ابدئي بالتحديد و بعدها روحي لتصاميم اكثر تعقيداً
و ممكن حتى تقلدين رسومات رسامين اخرين و تقلدينهم بطريقة تلوينهم و ادواتهم اللي يستخدمونها
ابدئي بالاساسيات بعدها تدرجي حبة حبة لاشياد اكثر تفاصيل و اكثر احترافية و تعقيد ..
كبداية ايضاً ممكن تستخدمين الورق الشفاف و تشفين الرسومات طريقة مفييييدة لتمرين اليد، و بعدها تنتقلين للرسم على ورقة بيضاء ..
أمثلة :
جبت لكم ٣ صور لرسومات من الانترنت ، على ٣ مستويات عشان اوضح لكم قصدي اكثر .
الأولى
الثانية
الثالثة
٣ رسومات بمستويات مختلفة، ابدئي بالاسهل للاصعب
الرسمه الوحدة قلديها مرة و مرتين و حتى ثلاثة ولو للعشرة
كل ماتدربتي اكثر و اكثر كل ما تطورتي اكثر و اكثر
و الصور اللي حطيتها مجرد امثلة، طبعاً تقدرين تقلدين مئات الصور غيرها
ولو قلدتو احد الصور اللي حطيتها لكم وروني
نزلوها بالانستغرام مع تاق لحسابي @manaheldesign
راح انبسط فيها و افتخر فيكم
ان شاء الله تكون تدوينة خفيفة لطيفة و الاهم مفيدة لكم 💕
Posts
0 comments:
Post a Comment